Ineacs
Camas Binne
YouTube
-=- DuckDuckGo
-=- Ceol ABC Midi
-=- Mudcat
-=- Yahoo
-=- TheSession.org
(nó Soitheach an Chamuis Mhóir leis an Chathmhaoileach)
Bhí Camas Binne ag seinm ceoil daoibh
Is loingis faoi sheol ag teacht ann go dlúth;
Is iomaí áras is reilig ghránna
Ó sholas Árann 'un an Chladaigh Mhóir.
Shílfeadh tuataí ar mhéad a gcruaitean
Go gcoinneofaí suas iad ó gach ált sa domhan
Ach bhí gaoth 'niar-dtuaidh ann agus saoistí cruaidhe
Nuair a buaileadh anuas iad ar an chamas mhóir.
Mo thrí thruaighe an té a bhíos ar uaigneas
gan gaol, gualann ná bunadh, gan treoir,
Is mur' gcaillfí ach duine acu, ó Dhia, nár leor sin
'S gan a theacht i dtír ach beirt as scór?
Bhí mise lá fá mhíle den tráigh
Nuair a casadh orm deartháir an stócaigh óig;
Bhí sé ag cráifíl fá chailleadh a dhearthár,
Is croidhe láidir nach silfeadh deor.
Bhí sé ag guí don Ard-Rí
Le himpí Mháire, Naomh Peadar is, dá n-abrainn, Pól
Is a choíche go brách ní bheidh a intinn sásta
Go bhfaighe sé a chnámha lena gcur ar ndóigh.
Má chíonn tú choíche aon duine á bháthadh
Guígh don Ard-Rí lena thabhairt i dtír
Agus gheobhaidh tú pardún ó shíol Éabha agus Ádhmha.
Gaelach ná Gallda dá bhfuil ins an tír.
Tá muintir na háite seo ag déanmah lámhaigh
Fán raic bheag ghránna sin a tháinig dá gcomhair;
Nach cloíte an cás é gur chaill siad a náire
'S gur de ghiota an adhmaid a rinneadh an ceol!
Ní raibh aird ar mhairnéalach, ar rí nó ar bháillí,
Nuair a tháinig sé chucu ón mhuir ar ndóigh,
Ach is iomaí áras agus reilig ghránna
Ó sholas Árann 'un an Chladaigh Mhóir.
macsuibhne.com/amhran/